Avhending av skjølum

 

Tjóðskjalasavnið er almenna skjalasavn føroyska samfelagsins. Samlingarnar dokumentera søgu okkara í umleið 700 ár við skjølum úr samfelagsfyrisitingini. Almennir stovnar skulu avhenda skjøl síni til Tjóðskjalasavnið í seinasta lagi, tá tey eru 30 ára gomul.

Tá skjøl verða avhendað, fer tað fram eftir nærri ásettum reglum, les meira her. Tað áliggur øllum almennum stovnum, bæði landsstovnum, ríkisstovnum í landinum, kommunum og kommunalum felagsskapum at hava skil á og varðveita øll skjøl, sum eru framleidd í fyrisitingini.

Einki má beinast burtur uttan við loyvi frá Tjóðskjalasavninum, sum eisini hevur eftirlit við, at savnindini eru trygt varðveitt, áðrenn tey verða avhendað. Tjóðskjalasavnið setur tí krøv til, hvussu almenn søvn verða varðveitt, meðan tey enn eru á stovununum. Tjóðskjalasavnið nýtir í hesum sambandi vegleiðingar hjá Rigsarkivet í Danmark.